-1740975782.jpg)
तेह्रथुमका चन्द्रकुबेर खापुङ ७५ हजार बढी प्रहरीको नेतृत्व गर्दै, लगाए दर्ज्यानी चिह्न
द पात्रो संवाददाता
१९ भदौ २०८२, बिहिवार
काठमाडौं– नवनियुक्त प्रहरी महानिरीक्षक (आईजीपी) चन्द्रकुबेर खापुङलाई दर्ज्यानी चिह्न प्रदान गरिएको छ ।
गृहसचिव गोकर्णमणि दुवाडीले बिहीबार ३२औँ प्रहरी महानिरीक्षक खापुङलाई दर्ज्यानी चिह्न लगाइदिएका हुन् ।
खापुङ नेपाल प्रहरीको इतिहासमा आदिवासी लिम्बू समुदायबाट आईजीपी हुने दोस्रा व्यक्ति हुन् ।
उनीभन्दा पहिले २००७ सालको क्रान्तिको एक जना कमान्डर ज्ञानबहादुर (जिबी) याङ्थुङ्बा प्रहरी महानिरीक्षक भएका थिए ।
उनी पाँचथरको अमरपुरका थिए । खापुङ भने तेह्रथुमको मोराहाङका हुन् ।
प्रहरी संगठनभित्र खापुङ इमानदार र कर्तव्यनिष्ठ प्रहरी अधिकृतका रूपमा चिनिन्थे । उनै खापुङको काँधमा अब ७५ हजार बढी प्रहरीको नेतृत्व गर्ने जिम्मेवारी आएको छ ।
आईजीपी हुनुअघि उनी नेपाल प्रहरीको महत्वपूर्ण इकाइ केन्द्रीय अनुसन्धान ब्युरो (सीआईबी)का निर्देशक थिए । त्यसअघि कोशी प्रदेश प्रहरी प्रमुखको रूपमा पनि उनले जिम्मेवारी सम्हाले । खापुङको आईजीपी कार्यकाल भने छोटो छ ।
